Главная » 2015 » Ноябрь » 20 » Калифорнияттан ыалдьыт
06:03
Калифорнияттан ыалдьыт

Калифорнияттан ыалдьыт

Алтынньы 26-31 күннэригэр биһиги оскуолабытыгар англия тылын нэдиэлэтэ буолан ааста. Араас интэриэһинэй тэрээһиннэр буолан аастылар: “Англия визитнай картата” (2-6 кылаастарга), “Австралияҕа айан”(7-11 кылаастарга) диэн кылаас чаастара,  сайын Англияҕа бара сылдьыбыт биир дойдулаахпыт Наумова А.П. кытта көрсүһүү.

Онтон субуотаҕа биһиэхэ дьиҥнээх американка ыалдьыттыы кэлбитэ. Мишель Ковэ Калифорнияттан төрүттээх. Билигин Дьокуускайга үөрэнэр эбит. Биһиги дойдубутугар кини нуучча тылын үөрэтээри кэлбит. Америкаҕа нуучча тылын 2 сыл, онтон Россияҕа 1 сыл үөрэппит. Бачча кылгас кэм иһигэр кини нууччалыы өйдүүргэ, саҥарарга үөрэммит. Көрсүһүүгэ бэйэтин туһунан, дьиэ кэргэнин, төрөөбүт дойдутун туһунан кэпсээтэ. Биһиги киниэхэ олус элбэх ыйытыылары биэрбиппит. “Эн Дьокуускайга олороргун сөбүлээтин дуо?” диэн ыйытыыга кини куораппытын олус сөбүлээбитин, баҕар манна олоро хаалыан баҕарарын эттэ. Мишеллиин кэпсэтии кэнниттэн биһиги “Орто дойду” зоопаркаҕа барбыппыт. Биһиги дойдубут кыылларын көрдөрбүппүт, кини олус интэриэһиргээбитэ, сөбүлээбитэ.

     

            Салгыы биһиги Чапаевка баар СР бастакы Президенэ М.Е. Николаев библиотека-архивыгар сырыттыбыт. Биһиги  англия тылыгар учууталбыт М.З. Лиханова Мишельгэ библиотека-архивы англия тылынан кэпсии- кэпсии көрдөрдө. Ыалдьыппыт олус сүргэтэ көтөҕүллэн көрдө. Биһиги Мишеллиин англия тылынан кэпсэттибит. Кини олус интэриэһинэй, үөрүнньэҥ, үтүө санаалаах киһи эбит. Биһиги  Мишеллиин көрсөн баран англия тылын өссө дириҥник үөрэтиэхпитин баҕардыбыт.

Лукина Дайаана, Төхтүр орто оскуолатын

6 кылааһын үөрэнээччитэ, Хаҥалас улууһа.

 

 

Просмотров: 184 | Добавил: techtur | Рейтинг: 0.0/0
Всего комментариев: 0
Имя *:
Email *:
Код *: