Главная » 2015 » Апрель » 17 » “Көмүс хатырык-2015"
06:27
“Көмүс хатырык-2015"
Быйыл биһиги нэһилиэкпитигэр “Көмүс хатырык-2015» диэн үгэс буолбут муус аннынан балыктааһын күрэҕэ ыытылынна. Бу тэрээһини орто оскуола эр дьон учууталлара иилээн-саҕалаан тэрийэллэр. Күрэх сүрүн сыала - уол оҕону, эр дьону муус аннынан балыктааһыҥҥа уһуйуу, умсугутуу, чөл олоҕу тэнитии уонна сынньалаҥы туһалаахтык атаарыыны тэрийии. Балыксыттартан ойбону бастакынан алларыыга (буурдааһыҥҥа) 1 миэстэҕэ Тимур, Владислав Николаевтар, 2 миэстэ-Игор, Егор Готовцевтар, 3 миэстэҕэ Жора Максимов, Александр Руфов таҕыстылар. Аан бастакынан балыгы хаптардылар Ярик, Андрей Уваровскайдар, саамай улахан балыгы Байдам Алексеев, Степан Ильин, онтон саамай элбэх балыгы Дьулусхан, Василий Ефремовтар, Денис Алексеев, Егор Алексеев хаптаран үөрдүлэр-көттүлэр. Уопсай түмүккэ 1 миэстэ Николаевтар, 2 миэстэ Ефремовтар, 3 миэстэ Байдам Алексеев, Ильин Степан таҕыстылар. Саамай эдэр балыксыт аата Байдам Алексеевка, саамай саастаах балыксыт аата Иванов Р.Г. иҥэрилиннэ. Бириистэри туруорбут Дьокуускай куорат «Рыболов» маҕаһыын салалтатыгар (ИП Алексеева С.И.), «Төхтүр нэһилиэгэ» МТ, «Хахсык» ТХПК, «Эркээни» КК, олохтоохтортон Шадрин М.Е., Ильин П.И., төрөппүттэр комитеттарыгар, оскуола коллективыгар тэрээһиҥҥэ үтүө көмөҕүт иһин барҕа махталбытын тириэрдэбит. Инникитин да маннык тэрээһиннэр ыытылла туралларыгар баҕарабыт.
Просмотров: 164 | Добавил: techtur | Рейтинг: 0.0/0
Всего комментариев: 0
Имя *:
Email *:
Код *: